Тиркеме №1 «Умай Групп» ЖЧКнын буйругу менен бекитилген 2025-жылдын 21-июлунда

1.Жалпы жоболор

Жеке маалыматтар жана маалыматтардын купуялыгы боюнча Саясат (мындан ары — Саясат) — бул «Умай Групп» ЖЧК (мындан ары — Компания) тарабынан колдонмонун, сайттардын, сервистердин, кызматтардын, программалардын, продуктулардын же кызматтардын (мындан ары — Сервистер) колдонулушу учурунда физикалык жак (мындан ары — Колдонуучу) жөнүндө алынган бардык маалыматтарга жана алардын иштетилишине тиешелүү. Ошондой эле, Компаниянын Колдонуучу менен түзүлгөн бардык келишимдерин жана макулдашууларын аткаруу учурунда алынган маалыматтарга колдонулат.

2.Юридикалык негиз

Бул Саясат Кыргыз Республикасынын 2008-жылдын 14-апрелиндеги №58 «Жеке мүнөздөгү маалыматтар жөнүндө» мыйзамынын 21-беренесине жана аталган мыйзамдын аткарылышы боюнча кабыл алынган нормативдик укуктук актыларга ылайык иштелип чыккан.

Сервистерди колдонуу — Колдонуучунун бул Саясаттын шарттарына жана анда көрсөтүлгөн жеке маалыматтарды иштетүү эрежелерине толук макулдугун билдирет.

3.Жыйналуучу маалыматтын түрлөрү

Бул Саясат Колдонуучуну аныктоого же аны менен байланыштырылган жеке маалыматтарды камтыйт. Мисалы, Компания төмөнкүлөрдү аткарганда жеке маалыматтарды чогултат: Сервисте сатып алууларды жүргүзүү; Аккаунт түзүү; Акцияларга катышуу.

Компания төмөнкү түрдөгү жеке маалыматтарды чогултат (аларга гана чектелбестен): Фамилия, ысым, атасынын ысымы; Туулган күнү; Дареги; Билими; Социалдык абалы; Үй-бүлөлүк абалы; Жынысы; Cookies; Геолокация; Электрондук почта; Телефон номери.

4.Жеке маалыматтарды жыйноонун максаты

Жеке маалыматтарды жыйноо, иштетүү жана берүү – жеке маалыматтар массивинин ээси ("Умай Групп") тарабынан көрсөтүлүп жаткан соода тармагындагы кызматтарды алуу максатында жүргүзүлөт. Анын ичинде: мыйзам талаптарын аткаруу, келишимдерди түзүү, GLOBUS тиркемесиндеги кызматтарды алуу, маркетингдик акцияларды өткөрүү жана кардар менен байланышуу.

5.Колдонуучунун укуктары жана милдеттери

Колдонуучу өзүнүн жеке маалыматтары тууралуу толук маалымат алууга, аларды өзгөртүүнү же өчүрүүнү талап кылууга укуктуу. Колдонуучу туура маалымат берүүгө милдеттүү.

6.Маалыматты үчүнчү жактарга берүү

Компания жеке маалыматтарды төмөнкү учурларда үчүнчү жактарга бере алат: Колдонуучунун макулдугу менен; келишимди аткаруу үчүн; мыйзам чегинде.