Мен,____________________ GLOBUS мобилдик тиркемесинин колдонуучусу, “Умай Групп” ЖЧКга (ИСН 01007200310037, Кыргыз Республикасы, Бишкек ш., Чокон Валиханов көч., 16) менин жеке маалыматтарымды чогултууга, иштеп чыгууга жана үчүнчү жактарга берүүгө макулдугумду берем.

Жеке маалыматтар:

• фамилиясы, аты;
• телефон номери;
• электрондук почта дареги;
• жеткирүү дареги;
• эсепке алуу жазууларынын маалыматтары (логин, колдонуучунун идентификатору);
• тапшырыктардын тарыхы;
• лоялдуулук программасынын маалыматтары (бонустар, купондор);
• тиркемедеги аракеттердин санарип жазуулары;
• техникалык маалыматтар (IP-дарек, Device ID).

Иштеп чыгуу максаттары:

• колдонуучуну каттоо жана идентификациялоо;
• тапшырыктарды тариздөө жана аткаруу;
• лоялдуулук программасына катышуу;
• сатып алуу-сатуу келишимин аткаруу;
• КР мыйзамдарынын талаптарын сактоо.

Жеке маалыматтар көрсөтүлгөн максаттарга жетүү үчүн зарыл болгон көлөмдө гана үчүнчү жактарга, анын ичинде жеткирүү кызматтарына, төлөм кызматтарына, маалыматтык системалардын операторлоруна, ошондой эле Кыргыз Республикасынын мыйзамдарында каралган учурларда мамлекеттик органдарга берилиши мүмкүн.

Жеке маалыматтарды иштеп чыгуу мобилдик тиркемеде жана расмий сайтта жайгаштырылган Купуялуулук саясатына ылайык жүргүзүлөт.

Жеке маалыматтар колдонуучунун өзүнчө макулдугусуз жарнамалык жана маркетингдик билдирүүлөрдү жөнөтүү үчүн колдонулбайт.

Макулдуктун колдонуу мөөнөтү:

• колдонуучунун эсепке алуу жазуусунун колдонуу мөөнөтү ичинде, ошондой эле Кыргыз Республикасынын мыйзамдарында белгиленген сактоо мөөнөттөрү ичинде.

Менин төмөнкү укуктар жөнүндө маалыматым бар:

• жеке маалыматтарды иштеп чыгууга макулдукту чакыртып алуу;
• менин жеке маалыматтарымды иштеп чыгуу жөнүндө маалыматты алуу;
• маалыматтарды тактоону, бөгөттөөнү же өчүрүүнү талап кылуу;
• жеке маалыматтарды жана аракеттердин санарип жазууларын машина окуй турган форматта алуу.

Макулдук GLOBUS мобилдик тиркемесинде белги коюу (чекбокс) аркылуу берилет жана санариптик жазуу түрүндө катталат.

Мен,____________________ GLOBUS мобилдик тиркемесинин колдонуучусу, “Умай Групп” ЖЧКга (ИСН 01007200310037, Кыргыз Республикасы, Бишкек ш., Чокон Валиханов көч., 16) менин жеке маалыматтарымды тапшырыктарды аткаруу жана сервистин иштешин камсыз кылуу максаттарында гана үчүнчү жактарга берүүгө макулдугумду берем.

Жеке маалыматтарды алуучулар:

• чабармандык жана логистикалык кызматтар – тапшырыктарды жеткирип берүү үчүн;
• төлөм операторлору – төлөмдөрдү кабыл алуу жана иштеп чыгуу үчүн;
• IT-подрядчылар (хостинг, SMS- жана push-сервистери) – мобилдик тиркеменин иштешин жана билдирүүлөрдү камсыз кылуу үчүн;
• мамлекеттик органдар — Кыргыз Республикасынын мыйзамдарында каралган учурларда жана тартипте.

Жеке маалыматтарды берүү көрсөтүлгөн максаттарга жетүү үчүн зарыл болгон көлөмдө гана, Кыргыз Республикасынын жеке маалыматтарды коргоо жөнүндө мыйзамдарынын талаптарын сактоо шартында жүзөгө ашырылат. Үчүнчү жактардын жеке маалыматтарды жеке максаттарда пайдаланууга укугу жок.

Жеке маалыматтарды иштеп чыгуу жана берүү GLOBUS мобилдик тиркемесинде жана расмий сайтында жайгаштырылган Купуялуулук саясатына ылайык жүргүзүлөт.

Макулдук мобилдик тиркемеде өзүнчө белги (чекбокс) коюу аркылуу берилет жана түзүлгөн келишим боюнча милдеттенмелерди жана Кыргыз Республикасынын мыйзамдарынын талаптарын аткаруу үчүн жеке маалыматтарды иштеп чыгуу жана берүү зарыл болгон учурлардан тышкары, колдонуучу тарабынан каалаган убакта чакыртылып алынышы мүмкүн.

Мен,____________________ GLOBUS мобилдик тиркемесинин колдонуучусу, “Умай Групп” ЖЧКга (ИСН 01007200310037, Кыргыз Республикасы, Бишкек ш., Чокон Валиханов көч., 16) менин жеке маалыматтарымды GLOBUS мобилдик тиркемесинин техникалык иштөө максаттарында, жеке маалыматтарды коргоонун тиешелүү деңгээлин камсыз кылган чет мамлекеттерге чек ара аралык берүүгө макулдугумду берем.

Берилүүчү жеке маалыматтардын категориялары:

• колдонуучунун эсепке алуу маалыматтары (колдонуучунун идентификатору);
• техникалык маалыматтар (IP-дарек, түзүлүштүн идентификатору, техникалык окуялардын журналдары);
• сервистин туруктуу жана коопсуз иштешин камсыз кылуу үчүн зарыл болгон маалыматтар.

Чек ара аркылуу берүүнүн максаттары:

• маалыматтык системаларды жайгаштыруу жана хостинги;
• маалыматтарды резервдик көчүрүү;
• маркетинг же профилдештирүү үчүн маалыматтарды колдонбостон, техникалык аналитика жана сервистин иштөө жөндөмдүүлүгүнө мониторинг жүргүзүү;
• сервистин туруктуулугун, коопсуздугун жана калыбына келтирүүнү камсыз кылуу.

Жеке маалыматтарды чек ара аркылуу берүү Кыргыз Республикасынын Санарип кодексинин жана Кыргыз Республикасынын жеке маалыматтар жөнүндө мыйзамдарынын талаптарына ылайык жүргүзүлөт.

Кабыл алуучу тарап милдеттенет:

• Кыргыз Республикасынын мыйзамдарында каралгандан төмөн эмес жеке маалыматтарды коргоо деңгээлин камсыз кылууга;
• жеке маалыматтарды ушул макулдашууда аныкталган максаттарда гана пайдаланууга;
• жеке маалыматтарды үчүнчү жактарга өзүнчө укуктук негиздерсиз бербөөгө.

Жеке маалыматтарды иштеп чыгуу жана чек ара аркылуу берүү мобилдик тиркемеде жана расмий сайтта жайгаштырылган Купуялуулук саясатына ылайык жүргүзүлөт.

Макулдук мобилдик тиркемеде өзүнчө белги (чекбокс) коюу аркылуу берилет жана чек ара аралык берүү Кыргыз Республикасынын мыйзамдарынын талаптарын аткаруу же сервистин үзгүлтүксүз иштешин камсыз кылуу үчүн зарыл болгон учурлардан тышкары, колдонуучу тарабынан каалаган убакта чакыртылып алынышы мүмкүн.